Laurdag 21. april arrangerte biblioteka i Nord-Gudbrandsdalen Lunsj & lyrikk på Lesja. Der presenterte vi fjelldiktprosjektet Ord om fjell saman med dei gode støttespelarane våre Bjørn Sigurd Glorvigen og Even Lusæter som begge har bakgrunn i det lokale musikkmiljøet. Så langt har biblioteka samla i overkant av 300 dikt der fjell er tema. 52 av desse er publiserte som vekas fjelldikt i tekst, lyd og bilete. Bakgrunnen for prosjektet er regionen si satsing som Nasjonalparkriket og eit ynskje om å lyfte fram lokale forfattarar og lyrikk generelt. Så langt i prosjektet har den lokale lyrikken dominert. I 2012 vil fleire dikt av nasjonale naturlyrikarar bli publiserte bl.a. har vi nyleg lagt ut 24 dikt om fjell av Olav H. Hauge .